Локалните власти во Берлин го најавија формирањето на Комисијата за пешачки сообраќај. Ќе се фокусира на подобрување на градскиот сообраќаен план и проширување на пешачката мрежа. Исто така, ќе се фокусира и на подобрување на сообраќајот, безбедноста на патот до училиштата, планирање на улици, патеки и скверови. Сето тоа со давање на приоритет на пешачката инфраструктура.
Новата комисија е формирана поради фактот што, според градските извештаи, жителите на Берлин најмногу се движат пеш. Градските власти тој факт го прифатија сериозно и сакаат да ги подобрат условите на пешаците.
Создавање на поврзаност со градот
Друга цел на комисијата е да помогне во координрање и соработка со организациите во Берлинската администрација, приватниот сектор, како и невладиниот сектор.
Релевантни актери во советничкото тело на Комисијата за пешачки сообраќај ќе бидат и Берлинската комора на архитекти, Германскиот институт за урбани студии, Техничкиот универзитет на Берлин како и градскиот борд за туризам.
Во целост, Комисијата за пешачки сообраќај, треба да овозможи дополнителен слој на одржливата мобилност во градот.