Софија ќе има нов облик на градот

На 25ти ноември, Градскиот совет на Софија започна со имплементирање на новиот развоен план наречен “Програма за Софија”. Активностите треба да траат 6 години, односно до 2027, а ќе се започне со стратешки инвестициски приоритети. Со други зборови, градот ќе се фокусира ексклузивно на остварување на зададените цели.

Структура на планот

Планот е изработен од “Sofiaplan”, општинска агенција со задача да го изработи Урбанистичкиот Мастер план за Софија, за наредните 30 години. “Програма за Софија” е првиот возбудлив дел од големата слика за градот.

Миглена Герасимова, социолог и урбанист, кој се фокусира на стратешкото планирање со агенцијата, објасни накратко како функционира програмата. Прво, има три главни точки, сите со свои приоритети. Понатаму, има и 14 специфични цели коишто градот треба да ги оствари во наредните години. Главната идеја на овој пристап е “интегрирање на стратешки развој”.

Просто кажано, секоја од овие 14 цели исполнува повеќе цели со кои градот решава некој проблем.

Три главни цели

Трите главни цели на програмата се: “Одржлив развој и поврзување”, “Зголемување на компетитивноста на Софија и развивање на економија базирана на знаење” и “Социјален и културен развој”.

Со првата цел се планира привлекување на инвестиции во биодиверзитетот и транзиција до циркуларна економија со ниска емисија на гасови. Со цел да се забрза кон генерацијата на обновлива енергија. Исто така целта е да се намали отпадот и суровините потребни за индустрија, а да се зацврсти иновацијата. Овој процес треба да биде проследен и со подобра и поефикасна урбана мобилна мрежа и технолошка инфраструктура. Тука приоритет ќе биде поврзувањето со најдалечните региони на државата.

Втората цел главно се фокусира на локалната економија и приоретизирање на претприемачката иновација. Пред се привлекување на инвестиции во сектори со висока вредност, соработка помеѓу академската област и бизнисите. Исто така, и намалување на едукациската нееднаквост и овозможување на квалификациски програми за луѓе од сите возрасти, вклучувајќи и повозрасни лица.

Третата цел се фокусира на подобрување на животниот стандард со промовирање на поздрави навики, како одговор на новиот проблем на Бугарија со гојазност, но и со подобар пристап до квалитетно здравство. Оваа цел се фокусира и на културното наследство, како и на подобрување на туризмот.

Уште една важна цел во овој дел се живеалиштата, односно изработка на јасна станбена стратегија за градот. Тоа вклучува и пренасочување на развојните напори кон северните и западните делови на градот, за да се олесни регионалниот баланс.

14 специфични цели

Специфичните 14 цели се следните:

1. Почиста, поздрава и поразновидна животна средина како дел од планот за зелен град;
2. Зголемување на енергетската ефикасност и производство на локална обновлива енергија;
3. Транзиција кон циркуларна економија;
4. Да се направи атмосфера што ќе поттикнува иновации и економија со висок перформанс;
5. Подобар и побрз сервис од локалната администрација;
6. Да се направи атмосфера што ќе поттикнува наука и едукација, и постојано учење;
7. Подобрување на условите за поздрав и поактивен начин на живот;
8. Културно наследство и поттикнување на културни и креативни настани;
9. Транзиција кон поодржлив и поиновативен туристички сектор;
10. Намалување на социјалната нееднаквост;
11. Покомфорна урбана средина;
12. Подобар пристап до живеалишта со подобар квалитет;
13. Одржлива мобилност;
14. Подобар квалитет на техничката инфраструктура со поширок спектар на сервиси.

Целиот текст може да го прочитате тука.